Artíkulo 10: Privasidat
- Tur persona tin derecho riba rèspèt di nan privasidat, denter di e límitenan ku lo fiha den òf a base di lei.
- Lei ta fiha regla pa protekshon di privasidat en konekshon ku registrashon i suministro di dato personal.
- Lei ta fiha regla tokante e derecho ku un persona tin di haña sa ki dato ta registrá tokante su persona, kon ta usa esakinan i ki derecho e tin relashoná ku korekshon di su datonan.
Eksplikashon
Tene na kuenta: solamente e vershon na hulandes di Konstitushon tin balides.
Den e artíkulo akí ta pará ku tur hende tin derecho di wòrdu laga na pas den e privasidat di su bida personal i di, por ehemplo, no wòrdu skuchá den sekreto.
E bida personal ta enserá entre otro:
- e kas
- e korrespondensia di karta
- e komunikashon via telefòn i otro medionan di komunikashon
- e derecho di no wòrdu spiá òf skuchá den sekreto
- e derecho riba tratamentu kuidadoso di datonan personal
- e derecho riba respet pa e bida spiritual
- e derecho riba respet pa e integridat físiko
Lei por limitá e derecho akí den sierto kasonan, por ehemplo ora di investigá deliktonan. Tambe legislador ta traha reglanan pa e uzo di datonan sensibel pa privasidat.