Artíkulo 61: Presidensia di Kámara, ambtenarnan

Artíkulo 61
  1. Kada kámara ta nombra un presidente for di entre su miembronan.
  2. Kada kámara ta nombra un sekretario. E sekretario i e demas ámtenarnan di e kámaranan no por ta a la bes miembro di Staten General.

Eksplikashon

Tene na kuenta: solamente e vershon na hulandes di Konstitushon tin balides. 

Kada Kámara ta nombra su mes presidente. Den Konstitushon no ta pará pa kuantu tempu, ma den e reglamentonan di órden ku e dos Kámaranan ta fiha kada un abase di artíkulo 72, ta pará ku nan ta nombra un presidente pa e periodo te ku e siguiente elekshon. E prosedura di nombramentu tambe ta pará den e reglamentonan di órden.

Kada Kámara ta nombra tambe un grifië. E grifië i e ambtenarnan den servisio di un di e Kámaranan no por ta miembro di Staten-Generaal.