Artíkulo 64: Disolushon di Parlamento

Artíkulo 64
  1. Por disolvé ámbos kámara mediante dekreto real.
  2. E dekreto pa disolvé un kámara ta kontené a la bes òrdu pa tene un elekshon nobo pa e kámara ku a disolvé, i pa e kámara nobo ku keda elegí reuní denter di tres luna.
  3. E disolushon ta drenta na vigor e dia ku e kámara nobo ku keda elegí reuní.
  4. Lei ta fiha periodo di seshon di un Kámara di Representante ku sinta despues di un disolushon; e periodo no por ta di mas ku sinku aña. Periodo di seshon di un Senado ku sinta despues di un disolushon ta terminá na momento ku periodo di seshon di e kámara disolvé lo a terminá.

Eksplikashon

Tene na kuenta: solamente e vershon na hulandes di Konstitushon tin balides. 

E gobièrnu por desolvé tantu e Tweede Kamer komo e Eerste Kamer interinamente i organisá elekshon nobo. Desolvishon di Eerste Kamer ta algo raro. El a sosodé solamente na 1904. Despues di un desolvishon mester tene elekshon semper.

Konstitushon ta preskribí ku elekshon di un Kámara nobo i e promé reunion di e Kámara nobo mester tuma lugá denter di tres luna despues di e desolvishon. Ku semper tin un Kámara disponibel, ta garantisá pasobra e desolvishon ta drenta na vigor te riba e dia ku e Kámara nobo eligí ta reuní pa promé biaha.

Pa un Tweede Kamer ku ta eligí despues di un desolvishon di Kámara, ta faha e durashon di e periodo di zittingsduur den un lei. E durashon di e periodo ta e ora ey di maksimalmente sinku aña. Ku esei e elekshonnan reglar por wòrdu hiba atrobe riba e momento deseá aki mas ku kuater aña den mart òf mei, dependiendo si e aña ey tin tambe elekshon di konseho munisipal i/òf di provinciale staten.

Pa un Eerste Kamer ku ta eligí despues di un desolvishon di Kámara, e durashon di e periodo ta keda meskos ku esun di e Eerste Kamer desolví, pasobra e durashon di e periodo di Eerste Kamer ta mará na esun di Provinciale Staten.