Artíkulo 94: Prioridat di órden hurídiko internashonal riba lei nashonal
Presepto legal ku ta na vigor den Reino no ta aplikabel si nan aplikashon no ta kompatibel ku disposishon di tratado i di resolushon di organisashon di derecho internashonal públiko ku ta obligatorio pa tur hende.
Eksplikashon
Tene na kuenta: solamente e vershon na hulandes di Konstitushon tin balides.
Ta posibel ku disposishonnan legal nashonal ta den konflikto ku disposishonnan internashonal. E ora ei e disposishonnan internashonal ta prevalesé. Asina por ehemplo e faltya di un penshon di viudo den e (entre tantu abolí) Algemene Weduwen- en Wezenwet tabata den konflikto ku e prinsipio di igualdat di e Tratado internashonal tokante derechonan sivil i polítiko.
E prioridat akí no ta konta pa e derecho internashonal no-skirbí pasobra e funshonamentu di tratadonan i di desishonnan di organisashonnan di derecho internashonal mester ta konosí pa medio di publikashon (artíkulo 93). Ku e derecho no-skirbí esei no ta e kaso.