Artíkulo 96: Deklarashon di guera

Artíkulo 96
  1. No ta deklará ku Reino ta den guera sin konsentimentu previo di Staten General.
  2. No ta rekerí tal konsentimentu den kaso ku, debí na un estado di guera ku ta eksistí di echo, tal konsulta ku Staten General a resultá imposibel.
  3. Staten General ta deliberá i tuma desishon al respekto den seshon konhunto.
  4. Loke ta stipulá den insiso unu i tres ta aplikabel analógikamente na un deklarashon di ku un guera a terminá.

Eksplikashon

Tene na kuenta: solamente e vershon na hulandes di Konstitushon tin balides. 

Gobièrnu no mag di deklará Reino den guera sin pèrmis previo di Staten-Generaal. E tratamentu den reunion unifiká ta preskribí pa evitá ku un Kámara ta vota na fabor i e otro Kámara no ta vota pa e deklarashon di guera.

Ta trata di un deklarashon di guera pasobra un guera di atake ta prohibí segun derechi internashonal. Un estado mag di uza violensia di arma únikamente den kaso di outodefensa individual òf kolektivo segun e Karta di Nashonnan Uní.

E pèrmis di Staten-Generaal no ta nesesario ora ku konsultashon ku Staten-Generaal no ta posibel debí na un guera ku ya kaba ta andando. Pa e deklarashon ku un guera a terminá, e eksigensia di pèrmis previo di e reunion unifiká ta konta tambe.