Artíkulo 52: Durashon di zitting di Eerste i Tweede Kamer

Artíkulo 52
  1. Periodo di seshon di ámbos kámara ta kuater aña.
  2. Si den lei fiha un periodo di seshon pa konseho provinsial ku no ta kuater aña, ta modifiká e periodo di seshon di Senado korespondientemente.

Eksplikashon

Tene na kuenta: solamente e vershon na hulandes di Konstitushon tin balides. 

Ambos Kámara ta wòrdu eligí pa kuater aña. Komo ku Eerste Kamer ta wòrdu eligí pa Staten Provincial (mira artíkulo 55), e durashon di e periodo di sesion di Eerste Kamer ta mará na esun di Staten Provincial. Pues si pa lei fiha e durashon di periodo di sesion di Staten Provincial riba un durashon distinto di kuater aña, e durashon di periodo di sesion di Eerste Kamer tambe ta kambia.

E durashon di periodo di sesion menshoná ariba ta konta pa Kámaranan ku ta wòrdu eligí despues di elekshon regular. Pa un Tweede Kamer ku a wòrdu eligí despues di un desolushon di Kámara, ta fiha e durashon di periodo di sesion den un lei. Esei ta pará den artíkulo 64 insiso 4. E durashon di periodo di sesion ta anto mas tantu sinku aña. Ku esei por hiba e elekshonnan regular atrobe na e momento deseá aki mas o menos kuater aña den mart òf mei, dependiendo si e aña ey tin tambe elekshon pa konseho munisipal i/òf pa Staten Provincial.

Pa un Eerste Kamer ku a wòrdu eligí despues di desolushon di Kámara, e durashon di periodo di sesion ta keda meskos ku esun di e Eerste Kamer desoltá, komo ku e durashon di periodo di sesion di Eerste Kamer ta mará na esun di Staten Provincial.

E durashon di periodo di sesion di Staten Provincial ta kuater aña, ku eksepshon di e kasonan ku ta wòrdu determiná den lei (artíkulo 129, kuarto insiso). Si e legislador hasi uso di e posibilidat akí, e durashon di periodo di sesion di Eerste Kamer ta wòrdu adaptá na e durashon mas largu òf mas kòrtiku di e periodo di sesion di Staten Provincial (artíkulo 52 insiso 2).

Si ta desviá di e durashon di periodo di sesion normal pa un òf algun provinsia so, por ehemplo serka un reestructurashon di provinsia, no lo ta nesesario sin embargo ningun prolongashon òf akortamentu di e durashon di periodo di sesion ni ningun elekshon interino di Eerste Kamer.