Artíkulo 121: Karakter públiko di seshon; motivashon di sentensia
Eksepto den e kasonan fihá den lei, oudiensia hudisial ta públiko i e sentensianan ta kontené e fundamentonan riba kua nan ta basá. Ta pronunsiá sentensia públikamente.
Eksplikashon
Tene na kuenta: solamente e vershon na hulandes di Konstitushon tin balides.
Sesion di korte ta públiko i aksesibel pa tur hende, a ménos ku lei ta determiná di otro manera. Xues semper lo pronunsiá e resultado di e sesion di korte, e veredikto, den públiko. Banda di esei e mester splika pakiko i abase di kiko el a tuma e desishon ei.
Esaki ta mas regulá den e Wet op de rechterlijke organisatie.