Artíkulo 58: Kredensialnan
Kada kámara ta eksaminá kredensial di su miembronan resien nombrá i ta disidí, konforme e reglanan ku lo fiha den lei, tokante e disputanan ku surgi relashoná ku e kredensialnan òf ku e elekshon mes.
Eksplikashon
Tene na kuenta: solamente e vershon na hulandes di Konstitushon tin balides.
E Kamarnan mes ta desidí si miembronan nobo ta kumpli ku e rekisitonan pa por ta miembro di Kámara. Tambe e Kamarnan mes ta desidí riba kualke disputa tokante elekshon di miembronan di Kámara.
E investigashon di e kredeensialnan ta reglá den e reglamentunan di órden di Tweede i Eerste Kamer.