Artíkulo 86: Retiro di konsepto di lei
- Miéntras Staten General no aprobá un proposishon di lei, esun ku a entreg’é por retir’é òf laga retir’é.
- Miéntras Kámara di Representante, respektivamente e seshon konhunto, no aprobá un proposishon di lei ku e tin pa entregá, e miembro òf miembronan ku a someté tal proposishon por retir’é.
Eksplikashon
Tene na kuenta: solamente e vershon na hulandes di Konstitushon tin balides.
Tantu tempu ku un proyekto di lei no ta aprobá, e introdusidó por retire'l. P'esei durante e tramentu den Tweede Kamer i despues Eerste Kamer, un proyekto di lei entregá pa gobièrnu por wordo retirá pa gobièrnu.
Un proposishon di inisiativa por wordo retirá pa e inisiadónan durante e tramentu den Tweede Kamer. Despues ku Tweede Kamer a bai di akuerdo ku e proposishon i p'esei e ta entreg'é (mira artíkulo 82), ta Tweede Kamer so por retirá e proyekto di lei. P'esei un desishon di e mayoria di Tweede Kamer mester ta na base di esei.