Kêst 14: Eksepropriaasje
- Unteigening is allinnich tastien yn it algemien belang en tsjin foarôf fersekere skealeasstelling, ien en oar nei by of út krêft fan ’e wet te stellen foarskriften.
- De skealeasstelling hoecht net foarôfgeand fersekere te wêzen wannear’t der yn gefal fan need fuortdaliks ûnteigening hjitten is.
- Yn by of út krêft fan ’e wet fêststelde gefallen bestiet rjocht op skealeasstelling of temjittekomming yn ’e skea as yn it algemien belang eigendom troch it befoege gesach ferneatige of ûnbrûkber makke wurdt of as it útoefenjen fan it eigendomsrjocht beheind wurdt.
Ferklearring
Tink derom: allinnich de Nederlânsktalige ferzje fan de Grûnwet jildt.
Artikel 14 regelet ûnteigening. It is soms needsaaklik yn it iepenbier belang foar de oerheid om immen syn eigendom te ûntnimmen. De hichte fan 'e kompensaasje moat dan foarôf bepaald wurde. De proseduere dy't jildt foar ûnteigening en de bepaling fan kompensaasje moatte by wet regele wurde.
Yn needgefallen is it mooglik om ôf te wiken fan 'e eask om de kompensaasje foarôf fêst te stellen.
Yn gefal fan it ferneatigjen of ûnbrûkber meitsjen fan eigendom, of de beheining fan 'e eigendomsrjochten fan in persoan, is der rjocht op kompensaasje of fergoeding fan skea, mar allinich foar gefallen dy't yn 'e wet oanjûn binne.