Artíkulo 105: Presupuesto; derecho di presupuesto; kuenta i rendimentu di kuenta; kontabilidat

Artíkulo 105
  1. Den lei, ta fiha presupuesto di entrada i gastu di Estado.
  2. Anualmente, entrega di proposishon di lei general di presupuesto ta tuma lugá pa òf na nòmber di Rei, na e momento menshoná den artíkulo 65.
  3. Ta duna Staten General kuenta i rason di e entrada- i gastunan di Estado konforme e disposishonnan di lei. Ta presentá na Staten General e kuenta aprobá pa Kontraloria General.
  4. Lei ta fiha regla tokante atministrashon di finansa di Estado.

Eksplikashon

Tene na kuenta: solamente e vershon na hulandes di Konstitushon tin balides. 

E presupuesto ta keda fiha pa medio di un lei. P'esei promé e Tweede Kamer i despues e Eerste Kamer mester aprobá e presupuesto. E gobièrnu ta entregá anualmente riba Prinsjesdag e proyektonan di lei pa e presupuesto di e aña siguiente. Anto e Kamaranan tin tempu suficiente pa trata e proyektonan promé ku fin di aña. Komo ku ta trata di un lei, ta Tweede Kamer so por kambia e presupuesto pa medio di e derecho di amienda.

Gobièrnu mester rindi kuenta tambe na Staten-Generaal di e entradanan i gastunan. Esei ta regla den e Comptabiliteitswet. Den e lei akí tin tambe e reglanan pa maneho di e finansas di e Estado. E Algemene Rekenkamer mester aprobá e kuenta di e Estado.