Artíkulo 123: Teritorio di provinsia i munisipio
- Den lei, por disolvé provinsia i munisipio, i instituí provinsia i munisipio nobo.
- Lei ta regla modifikashon di e límitenan di provinsia i munisipio.
Eksplikashon
Tene na kuenta: solamente e vershon na hulandes di Konstitushon tin balides.
Solamente ku un lei por disolvé i stablesé provinsia- i munisipionan. Kon por kambia frontera di provinsia i munisipio, e legislador por regla den un lei.
Den e Wet algemene regels herindeling ta pará ku kambio drástiko di frontera di provinsia i munisipio ta sosodé pa medio di lei. Korekshon di frontera por wòrdu reglá tambe pa medio di Algemene Maatregel van Bestuur, pa e Provinciale Staten i eventualmente mes pa e munisipionan enbolbí.