Artíkulo 124: Autonomia; kogobernashon

Artíkulo 124
  1. Ta laga e kompetensia di regulá i goberná e asuntunan propio di provinsia i munisipio den man di nan gobièrnu.
  2. Den òf a base di lei, por eksigí di e gobièrnunan di provinsia i munisipio ku nan ta ehersé nan kompetensia di regulá i goberná.

Eksplikashon

Tene na kuenta: solamente e vershon na hulandes di Konstitushon tin balides. 

Provinsia i munisipionan ta nivelnan di gobernashon ku kompetensia independiente. Nan tin e kompetensia pa tuma tareanan riba nan mes ku tin di hasi ku gobernashon i polítika di e provinsia òf munisipio, a menos ku e polítika akí ta en pugna ku reglanan legal. Ademas por keda determiná den un lei ku, pa enkargo di e instansianan menshoná den e lei ey, gobernashonnan provinsial i munisipal mester kooperá ku regulashon i gobernashon.

Kon e gobernashon di provinsia i munisipio ta organisá, ta pará den lei: e Provinciewet i e Gemeentewet.