Artíkulo 29: Esklusyon di suksesyon na e trono
- Ora sirkunstansia eksepshonal eksigí esei, por ekskluí un òf mas persona, mediante un lei, for di suseshon.
- Entrega di e proposishon pa hasi esei ta tuma lugá pa òf na nòmber di Rei. Staten General ta deliberá i tuma desishon al respekto den seshon konhunto. Nan por aprobá e proposishon solamente ku por lo ménos dos terser parti di e votonan emití.
Eksplikashon
Tene na kuenta: solamente e vershon na hulandes di Konstitushon tin balides.
Gobierno por den sirkunstansianan eksepshonal entregá un proyekto di lei pa ekskluí un òf mas persona di suksesion. E proyekto di lei mester wòrdu entregá pa gobierno, i por lo tantu no mag di ta un proposishon di inisiativa.
E proyekto di lei mester wòrdu despues aprobá ku un mayoria di dos tersio pa un reunishon konhunto di Eerste i Tweede Kamer.
Mester pensa riba inkompetensia klaro pa e reinado pa motibu di defisiensia físiko òf mental. Òf riba un susesor di trono ku un aktitud ku ta den konflikto ku e interesnan di pais i pueblo.