Artíkulo 69: Presensia di ministernan, sekretarionan di Estado
- E ministernan i e sekretarionan di estado tin akseso na e reunionnan i por partisipá na e deliberashonnan.
- E kámaranan, tantu separadamente komo den seshon konhunto, por invitá nan pa presensiá un reunion.
- Nan por laga otro persona, ku nan asigná pa esei, asistí nan na e reunionnan.
Eksplikashon
Tene na kuenta: solamente e vershon na hulandes di Konstitushon tin balides.
Minister- i sekretarionan di Estado tin akseso na e reunionnan di Tweede i Eerste Kamer i por partisipá den e deliberashon. E Kamaranan por eksigí ku nan ta presente, pero gobièrnu mes ta desidí ken ta papia na su nòmber.
Minister- i sekretarionan di Estado por laga, por ehemplo, ambtenaar òf komisario di gobièrnu asistí nan. Esei tabata e kaso por ehemplo durante e tratamentu di e proposishonnan pa kambio di Konstitushon den e periodo 1976-1982 ora komisario di gobièrnu Simons tabata tuma palabra ku frekuensia.