Artíkulo 74: Miembresia di Raad van State

Artíkulo 74
  1. Rei ta presidente di Konseho di Estado. E susesor probabel di Rei tin asiento den Konseho konforme derecho despues di a kumpli diesocho aña di edat. Den òf a base di lei, por otorgá asiento den Konseho na otro miembro di kas real.
  2. Ta nombra e miembronan di Konseho pa bida largu mediante dekreto real.
  3. Ta duna nan retiro riba petishon propio i ora nan kumpli un edat ku lo fiha den lei.
  4. Konseho por suspendé nan òf duna nan retiro den e kasonan indiká den lei.
  5. Por lo demas, lei ta regla nan posishon hurídiko.

Eksplikashon

Tene na kuenta: solamente e vershon na hulandes di Konstitushon tin balides. 

E rei ta presidente di Kunsillu di Estado. E eledero(a) di e korona por tuma parti den e reunionnan di Kunsillu ora e kumpli dyocho aña. E lei por determiná esei tambe pa otro miembronan di e kas real. Asina e prens-kónsortenan tabatin un asiento den Kunsillu di Estado i tambe Máxima a tuma asiento den Kunsillu di Estado despues di su matrimonio ku Willem-Alexander.

E miembronan di Kunsillu ta keda nombrá pa bida pa medio di dekreto real, ke men pa gobièrnu. Nan por keda dismiití únicamente:

  • riba nan mes petishon;
  • ora nan yega na un edat determiná pa lei (esei ta 70 aña konforme artíkulo 3 di e Wet op de Raad van State);
  • pa Kunsillu di Estado mes den sierto kasonan menshoná den lei (artíkulo 3a di e Wet op de Raad van State).

Kunsillu di Estado por suspendé un miembro tambe den kasonan menshoná den lei.

Ku esaki nan posishon hurídiko ta keda masha similá na esun di e miembronan di podér hudisial i e independensia di e miembronan di Kunsillu ta keda garantisá. Al fine di kuenta, Kunsillu di Estado ta desvolvé un funshon importante tambe riba tereno di hurisdikshon komo hues di gobernashon.