Artíkulo 77: Membresia di Algemene Rekenkamer
- Ta nombra e miembronan di Kontraloria General pa bida largu mediante dekreto real, for di un lista di tres persona ku Kámara di Representante di Staten General ta postulá.
- Ta duna nan retiro riba petishon propio i ora nan kumpli un edat ku lo fiha den lei.
- Korte Supremo por suspendé nan òf duna nan retiro den e kasonan indiká den lei.
- Por lo demas, lei ta regla nan posishon hurídiko.
Eksplikashon
Tene na kuenta: solamente e vershon na hulandes di Konstitushon tin balides.
E gobièrnu ta nombrá pa medio di un dekreto real e miembronan di Algemene Rekenkamer. Ma gobièrnu mester skohe for di tres persona ku Tweede Kamer ta proponé. E miembronan di Algemene Rekenkamer por wòrdu despidí únikamente
- riba nan mes petishon
- si nan a alkansá un edat determiná pa lei (70 aña, artíkulo 73 di Comptabiliteitswet
- pa Hoge Raad den sierto kasonan menshoná den lei (artíkulo 74 di Comptabiliteitswet).
Hoge Raad por suspendé un miembro tambe den kasonan menshoná den lei.
E posishon hurídiko di e miembronan di Algemene Rekenkamer ta hopi similar na e posishon hurídiko di miembronan di poder hudisial. Ku esaki e independensia di Algemene Rekenkamer ta keda garantisá.