Artíkulo 79: Kolegionan fiho di konseho

Artíkulo 79
  1. Den òf a base di lei, ta instituí kolegio fiho di konsulta pa asuntu ku ta konserní legislashon i gobernashon di Estado.
  2. Lei ta regla organisashon interno, komposishon i e kompetensianan di tal kolegionan.
  3. Den òf a base di lei, por enkargá e kolegionan akí ku otro tarea tambe ku no ta di konsulta.

Eksplikashon

Tene na kuenta: solamente e vershon na hulandes di Konstitushon tin balides. 

Kolegio fiho di konseho pa legislashon i gobernashon, manera Sociaal-Economische Raad i Onderwijsraad, por wòrdu instituí solamente pa medio di un lei. Ku esaki ta reglá ku Staten-Generaal tin medezeggenschap riba e kolegionan di konseho akí.

Ta trata di asuntunan di 'legislashon i gobernashon di Reino'. Ku esaki ta indiká ku aki no ta trata di kolegio di konseho di entidatnan públiko mas abou, manera provinsia i munisipio. Komishon di konseho di karakter temporal tampoko no ta kai bou di e artíkulo akí.