Artíkulo 89: Medida General di Gobernansia; Regla general obligatorio

Artíkulo 89
  1. Ta adoptá medida general di gobernashon mediante dekreto real.
  2. Den tal medidanan, ta fiha presepto mará na kastigu solamente a base di lei. Lei ta fiha e kastigunan ku por imponé.
  3. Lei ta regla publikashon i entrada na vigor di medida general di gobernashon. Nan no ta drenta na vigor tanten ku no publiká nan.
  4. Insiso dos i tres ta aplikabel analógikamente na otro presepto di karakter general i obligatorio adoptá di Estado.

Eksplikashon

Tene na kuenta: solamente e vershon na hulandes di Konstitushon tin balides. 

Medida general di gobernashon (AMvB) ta wordu fiha pa dekreto real. AMvB ta basa hopi biaha riba lei. Un lei ta fiha e ora ei un kuadro den kual ta wordu fiha ku gobièrnu mester elabora regla mas detalla. E gobièrnu ta uza AMvB pa esei.

Pa reglanan ku mester wordu ehekuta pa medio di kastigu, ta nesesario pa tin un disposishon di lei ku ta duna e kompetensia akí. E kastigunan ku por wordu impone mester ta den un lei tambe.

E publikashon i drentamentu na vigor di AMvB ta regla meskos ku pa leinan: wak artíkulo 88.

E preskripshonnan tokante e kontenido di AMvB i e publikashon i drentamentu na vigor di esakinan ta di aplikashon tambe riba otro disposishonnan ku ta di obligashon general ku gobièrnu sentral ta duna.