Artíkulo 98: Komposishon di e forsanan armá; servisio militar

Artíkulo 98
  1. Forsa armá ta konsistí di persona ku ta sirbi boluntariamente i por konsistí ademas di persona ku ta kumpli ku servisio militar obligatorio.
  2. Lei ta regla servisio militar obligatorio i e kompetensia pa posponé yamada pa servisio aktivo.

Eksplikashon

Tene na kuenta: solamente e vershon na hulandes di Konstitushon tin balides. 

Forsa armá ta konsistí di sirbidónan boluntario i eventualmente por konsistí tambe di esnan obligá na servisio militar. Na 1997 a suspendé e obligashon di presentashon pa servisio militar. Mientrastantu e ehérsito ta konsistí anto solamente di personanan ku mes ta skohe pa un trabou den ehérsito.

E obligashon di presentashon i e suspenshon di e obligashon di presentashon ta mas aleu regulá den e Kaderwet dienstplicht.