Kêst 113: Strafrjocht; dissiplinêr rjocht; finzenisstraf; proses bûten Nederlân; oarlochsstrafrjocht
- Oan ’e rjochterlike macht is fierders de berjochting fan strafbere feiten opdroegen.
- Tuchtrjochtspraak ynsteld troch de oerheid wurdt by de wet regele.
- In straf fan frijheidsûntnimming kin allinnich mar troch de rjochterlike macht oplein wurde.
- Foar berjochting bûten Nederlân en foar it oarlochsstrafrjocht kin de wet ôfwikende regels stelle.
Ferklearring
Tink derom: allinnich de Nederlânsktalige ferzje fan de Grûnwet jildt.
Rjochters dogge útspraak oer hannelingen dy't kriminalisearre binne en binne de iennigen dy't autorisearre binne om finzenisstraf op te lizzen. Dissiplinêre jurisdiksje kin allinnich troch de oerheid by wet fêststeld wurde. Dissiplinêre jurisdiksje is in foarm fan jurisprudinsje dy't derfoar soarget dat leden fan in profesjonele groep har hâlde oan de gedrachsregels fan har berop, lykas advokaten, notarissen en medyske professionals.
Yn útsûnderlike gefallen kin de wetjouwer fan dizze regels ôfwike. Dit giet bygelyks oer de ferfolging fan strafbere feiten bûten Nederlân, lykas militêr personiel yn it bûtenlân.