Artíkulo 113: Hurisdikshon penal; derechi disiplinario; kastigo di privashon di libertat; huisio fora di Hulanda; derechi penal di guera

Artíkulo 113
  1. Ademas, poder hudisial tin na su enkargo enhuisiamentu di echo kastigabel.
  2. Den lei, ta regla hurisdikshon disiplinario instituí pa gobièrnu.
  3. Ta poder hudisial so por imponé kastigu di privashon di libertat.
  4. Pa enhuisiamentu pafó di Hulanda i pa derecho penal di guera, lei por fiha regla diferente.

Eksplikashon

Tene na kuenta: solamente e vershon na hulandes di Konstitushon tin balides. 

Xuesnan ta hùsga riba aktonan ku a keda deklará kastigabel i nan ta e únikonan ku mag di impone kastigu di prizon komo kastigu. Hurisdikshon disiplinario mag di keda instalá pa gobièrnu solamente mediante lei. Hurisdikshon disiplinario ta un forma di hurisdikshon ku ta supervisá ku e miembronan di un grupo profesional ta tene nan mes na e reglanan di kondukta di nan profeshon, manera abogado, notario i médiko.

Den un solo kaso e legislador mag di desviá di e reglanan akí. E ora akí ta trata por ehemplo di e huisiamentu di feitonan kastigabel fo'i Hulanda, manera militar den eksterior.