Kêst 46: Steatssekretarissen

Kêst 46
  1. By keninklik beslút kinne steatssekretarissen beneamd en ûntslein wurde.
  2. In steatssekretaris treedt yn dy gefallen dat de minister it nedich achtet en mei achtslaan fan dy syn oanwizingen, yn syn plak as minister op. De steatssekretaris is op grûn dêrfan ferantwurdlik, mei behâld fan ’e ferantwurdlikheid fan ’e minister.

Ferklearring

Tink derom: allinnich de Nederlânsktalige ferzje fan de Grûnwet jildt. 

Steatssekretarissen wurde socht en dêrnei beneamd tidens de kabinetsfoarming op deselde wize as ministers. Steatssekretarissen hawwe har eigen politike ferantwurdlikens foar it beliedsgebiet dat formeel troch har minister oan har tawiisd is, mar dat yn 'e praktyk al breed bepaald wurdt tidens de kabinetsfoarming.

De steatssekretaris is ûnôfhinklik ferantwurdinglik oan it parlemint. As it parlemint it fertrouwen yn in steatssekretaris ferliest, moat dy lêste fuortgean. De minister kin dan yn it amt bliuwe, hoewol de minister meiferantwurdlik is.

Omkeard biedt in steatssekretaris wol syn ûntslach oan as de minister om hokker reden dan ek ûntslach nimt. Dit folget út it prinsipe dat in minister sels beslute moat oft en wa't er as steatssekretaris hawwe wol.