Artíkulo 112: Kompetensia di poder hudisial; hurisdikshon administrativo
- Poder hudisial tin na su enkargo enhuisiamentu di disputa tokante derecho sivil i tokante reklamashon di debe.
- Lei por enkargá enhuisiamentu di disputa ku no ta originá for di relashon hurídiko sivil sea na poder hudisial òf na tribunal ku no ta forma parti di poder hudisial. Lei ta regla e manera di trata esakinan i e efektonan di e desishonnan.
Eksplikashon
Tene na kuenta: solamente e vershon na hulandes di Konstitushon tin balides.
Si un hende ta haña ku un otro hende a hasi e inhudansia, e por pidi xues pa un desishon. Tin diferente instansia hudisial: rechtbanken, gerechtshoven i Hoge Raad. Serka kual xues un hende mester bai i pa kiko, ta mas elaborá den e Wet op de rechterlijke organisatie.
Legislador por determiná ku un siudadano ku tin un diferensia di opinion ku un órgano di gobernashon, por ehemplo munisipio, mester presentá esaki na un otro instansia ku no ta xues. E disputanan akí den promé instansia sí ta wordo presentá na bestuursrechter di rechtbank, pero den apelashon na Raad van State òf un otro kolesio ku no ta pertenesé na e poder hudisial.