Artíkulo 132: Areglo legal di provinsia i munisipio; supervishon; belastingnan

Artíkulo 132
  1. Lei ta regla organisashon interno di provinsia i munisipio, i tambe komposishon i e kompetensianan di nan gobièrnunan.
  2. Lei ta regla supervishon riba tal gobièrnunan.
  3. Ta solamente den e kasonan ku lo determiná den òf a base di lei por someté desishon di tal gobièrnunan na supervishon previo.
  4. Ta solamente mediante dekreto real por anulá desishon di tal gobièrnunan, pa motibu di konflikto ku derecho òf ku interes general.
  5. Lei ta regla e medidanan den kaso di inkumplimentu pa loke ta regulashon i gobernashon eksigí a base di artíkulo 124, insiso dos. Den lei, por tuma medida ku ta desviá for di artíkulo 125 i 127 den kaso ku gobièrnu di un provinsia òf di un munisipio neglishá su tareanan gravemente.
  6. Lei ta determiná ki impuesto e gobièrnunan di provinsia i munisipio por imponé, i ta regla nan relashon finansiero ku Estado.

Eksplikashon

Tene na kuenta: solamente e vershon na hulandes di Konstitushon tin balides. 

Den e ley ta regla:

  • kon provinsia- i munisipionan ta organisá
  • kon e komposishon i kompetensianan di e gobernashonnan di e provinsia- i munisipionan ta regla
  • kon e supervishon riba e gobernashon ta regla
  • kual medidanan di koutela i medidanan obligatorio por wòrdu tumá si e gobernashon keda den fayo. Tambe gobièrnu sentral por tuma medidanan ora e gobernashonnan di provinsia- i munisipionan deskuidá nan tareanan seriamente

Tur esaki ta stipulá den e Provinciewet i e Gemeentewet.

Gobièrnu sentral ta kompetente solamente pa anulá desishonnan di e gobernashonnan di provinsia- i munisipionan si esakinan ta en pugna ku derecho òf interes general.

E relashon finansiero di e provinsia- i munisipionan ku e Reino ta regla den e Financiële-verhoudingswet.