Artíkulo 54: Elekshon di Tweede Kamer; eksklusyon di derechi di voto

Artíkulo 54
  1. E hulandesnan ku a kumpli diesocho aña di edat ta elegí e miembronan di Kámara di Representante direktamente, sin perhuisio di e eksepshonnan ku lo stipulá den lei relashoná ku hulandes ku no ta residente.
  2. Un persona ku, debí ku el a kometé un delito ku konforme lei ta mará na tal konsekuensia, a risibí un sentensia irevokabel di hues pa un kastigu di privashon di libertat di un aña òf mas i tambe na privashon di su derecho di voto, ta ekskluí di su derecho di voto.

Eksplikashon

Tene na kuenta: solamente e vershon na hulandes di Konstitushon tin balides. 

Hulandesnan ku tin 18 aña òf mas ta skohe e miembronan di Tweede Kamer. Hulandesnan ku no ta biba na Hulanda en prinsipio tambe tin derechi di voto, pero legislador por hasi eksepshon riba esaki.

Solamente den kaso di eksepshon xues por kita e derechi demokrátiko fundamental akí. Si xues kondená un persona na un kastigo di privashon di libertat di por lo menos un aña, e por kita e derechi di voto komo kastigo adishonal. Xues mag hasi esaki solamente den kaso di sierto delitonan indiká pa lei (manera un atentado kontra Rei òf un akshon dirigí riba deroká e forma di gobièrnu).