Artíkulo 91: Aprobashon di tratatunan

Artíkulo 91
  1. No ta mara Reino na tratado ni no ta retirá for di tratado sin aprobashon previo di Staten General. Lei ta determiná den ki kaso esaki no ta rekerí aprobashon.
  2. Lei ta determiná e manera pa duna tal aprobashon i por inkluí aprobashon tásito.
  3. Si un tratado ta kontené disposishon ku ta desviá for di Konstitushon òf ku ta hasi tal desviashon nesesario, e kámaranan por aprob’é solamente ku por lo ménos dos terser parti di e votonan emití.

Eksplikashon

Tene na kuenta: solamente e vershon na hulandes di Konstitushon tin balides. 

Komo regla prinsipal, Reino no por keda mará na tratadonan sin aprobashon previo di Staten-Generaal. Den e Rijkswet goedkeuring en bekendmaking verdragen ta regla:

  • ki ora ta kuestion di aprobashon takshito
  • ki ora ta duna un aprobashon ku un lei
  • ki ora no ta eksigí aprobashon.

Ta posibel ku den un tratado ta desviá di disposishonnan di Konstitushon. Den un kaso asina, aprobashon pa por lo menos dos tersera parti di e kantidat di voto emití pa e Kámaranan di Staten-Generaal ta rekerí.