Artíkulo 100: Manteneshon òf promoshon di e orden hurídiko internashonal
- Gobièrnu ta duna Staten General informashon di antemano tokante utilisashon di forsa armá i ponementu di tal forsa na disposishon pa mantenshon i promoshon di órden hurídiko internashonal. Tokante utilisashon i ponementu di forsa armá na disposishon pa duna yudansa humanitario den kaso di konflikto armá tambe mester duna informashon di antemano.
- Insiso unu no ta konta si debí na motibu di peso ta imposibel pa duna informashon di antemano. Den tal kaso, ta duna informashon mas pronto posibel.
Eksplikashon
Tene na kuenta: solamente e vershon na hulandes di Konstitushon tin balides.
Gobièrnu mester informá Staten-Generaal di antemano si e ta di plan pa desplegá e forsa armada pa mantenshon òf promoshon di e órden hurídiko internashonal, i pa motibu di prestashon di ouksilio den kaso di un konflikto armá. Pues si gobièrnu ke manda militar den kuadro di NAVO pa un 'zona di krisis', e mester komuniká esei na Tweede i Eerste Kamer. Diferente for di den kaso di artíkulo 96 (e deklarashon di guera) artíkulo 100 no ta kontené e eksigensia di aprobashon ofisial di Staten-Generaal.
Si motibunan urgente ta impidí di informá di antemano gobièrnu mester duna e informashon mas lihé ku ta posibel.