Artíkulo 117: Miembronan di podé hudisial; independensia; retiro
- Mediante dekreto real ta nombra, pa bida largu, e miembronan di poder hudisial enkargá ku atministrashon di hustisia i e prokurador general di Korte Supremo.
- Ta duna nan retiro riba petishon propio i ora nan kumpli un edat ku lo fiha den lei.
- Den e kasonan determiná den lei, un tribunal designá den lei ku ta forma parti di poder hudisial por suspendé nan òf duna nan retiro.
- Por lo demas, lei ta regla nan posishon hurídiko.
Eksplikashon
Tene na kuenta: solamente e vershon na hulandes di Konstitushon tin balides.
Xuesnan ta independiente pasobra nan ta wordó nombrá pa bida i solamente por wordó despidí
- riba nan mes petishon, òf
- pa motibu ku nan a alkansá un sierto edat, òf
- den kasonan spesial, ku ta pará den lei, pa un tribunal ku lei a indiká.
E artíkulo akí ta garantisá e independensia di xues.
E lei ta regla mas aleu e derechonan i obligashonnan ku xuesnan tin.