Artíkulo 66: Karakter públiko di reunionnan
- Reunion di Staten General ta públiko.
- Ta sera porta den kaso ku un désimo parti di e kantidat di miembro presente pidi esei òf si presidente konsiderá esei nesesario.
- Despues, e kámara, respektivamente e kámaranan den seshon konhunto, ta disidí si lo deliberá i tuma desishon ku porta será.
Eksplikashon
Tene na kuenta: solamente e vershon na hulandes di Konstitushon tin balides.
Regla prinsipal ta ku e reunionnan di e Kamaranan ta públiko. Solamente komo eksepshon por reuní tras di porta será. E Kamaranan mes ta desidí riba esaki. E prosedura pa esaki ta reglá den e reglamentonan di órden di e Kamaranan.