Artíkulo 67: Korum; votashon

Artíkulo 67
  1. E kámaranan, tantu separadamente komo den seshon konhunto, por deliberá i tuma desishon solamente si mas ku mitar di e miembronan ku tin asiento ta presente na e reunion.
  2. Ta tuma desishon ku mayoria di voto.
  3. E miembronan ta vota sin risibí instrukshon obligatorio.
  4. Tokante asuntu, ta tene un votashon oral i nominal den kaso ku un di e miembronan pidi esei.

Eksplikashon

Tene na kuenta: solamente e vershon na hulandes di Konstitushon tin balides. 

E Kámaran (tambe den Reunion Unifiká) mag reuní solamente si mas ku metá di e kantidat di miembronan ta presente.

Desishonnan ta wòrdu tumá pa mayoría di voto. Tin biaha pa un desishon tin mester di un mayoría di dos tersio, pero solamente si esei ta determiná den Konstitushon.

E miembronan ta vota sin instrukshon. Esei ta nifiká ku nan mester ta libèr pa vota. E miembronan di Kámara mag di konsultá ku otro hende (denter i pafó di parlamento), pero no mag di tuma desishon 'riba enkargo di otro'.